كشف ممدوح الإمام، المالك الجديد لسلسة مطاعم صبحي كابر، تفاصيل الصفقة التي تم توقيعها مع صبحي كابر، صاحب محلات كابر الشهيرة لبيع اللحوم والجزارة.
وقال الإمام في تصريحات صحفية، إن العاملين في محلات صبحي كابر هتشتغل أكتر من الأول، ومش هقطع عيش حد، والـ1700 عامل اللي موجودين في المحلات قاعدين ومش هيمشوا.
ومن جهته، قال العاملون في محلات صبحي كابر: إحنا مش مجبرين على حاجة، وهنفضل نشتغل مع بعض، والخلطة هيا هيا ومفيش أي حاجة اتغيرت، وكلنا مبسوطين هنا ومرتاحين.
صفقة بيع محلات صبحي كابر
ووجه ممدوح الإمام، رسالة خاصة إلى صبحي كابر، قائلًا: مستعد أتنازل عن المحل، بشرط إن صبحي يديني كل الفلوس اللي اديتهاله بإيداع البنك فقط.
وأضاف الإمام: أنا عايز صبحي كابر يديني الفلوس اللي سلمتهاله بأوراق البنك، ومش عايز المحل خالص بعدها، معقبًا: صبحي كابر بيبيع الحاجة وعينه فيها، وبيحب الشو الإعلامي.
وقال صاحب صفقة شراء محلات صبحي كابر: صبحي سرق صفحة السوشيال ميديا مني، ومعايا عقود بالكلام ده كله، هو باع لي المحل بالعلامة التجارية ومعي أوراق وعقود تثبت صحة هذا الحديث، ومن ضمن عقود البيع، إن سلسلة محلات صبحي كابر مش هتتكرر في مصر تاني غير المحلات اللي موجودة.
